در پی معرفی دیپلمات طالبان به سفارت افغانستان در تاجیکستان، «ظاهر اغبر» امروز سه‌شنبه، در یک نشست خبری در شهر دوشنبه و در محل سفارت افغانستان، معرفی‌نامه این عضو طالبان را پاره کرد. «ظاهر اغبر» که از دولت سابق، سفیر افغانستان است و همچنان سفارت‌خانه را اداره می‌کند گفت که تا آمدن یک حکومت مشروع در افغانستان از سفارت این کشور در تاجیکستان محافظت خواهد کرد. «اغبر» این سفارت را «امانت مردم افغانستان» دانست.
